ਜਦੋਂ ਕਰਮਚਾਰੀਆਂ ਨੂੰ ਹੈਲਮੇਟ ਪਾ ਕੇ ਪਿਆਜ਼ ਵੇਚਣਾ ਪਿਆ !

0
47
Share this post

 

ਨਵੀਂ ਦਿੱਲੀ: 1 ਦਸੰਬਰ (5ਆਬ ਨਾਉ ਬਿਊਰੋ)

ਦੇਸ਼ ਭਰ ਵਿੱਚ ਪਿਆਜ਼ ਦੀਆਂ ਕੀਮਤਾਂ ਅਸਮਾਨ ਨੂੰ ਛੂਹ ਰਹੀਆਂ ਹਨ ਤੇ ਲੋਕ ਪਿਆਜ਼ ਦੇ ਹੰਝੂ ਰੋਣ ਲਈ ਮਜਬੂਰ ਹਨ। ਬਿਹਾਰ ਵਿੱਚ ਵੀ, ਪਿਆਜ਼ ਦੀਆਂ ਕੀਮਤਾਂ ਲਗਪਗ 70 ਤੋਂ 80 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹਨ। ਅਜਿਹੀ ਸਥਿਤੀ ਵਿੱਚ ਆਮ ਲੋਕਾਂ ਨੂੰ ਕੁਝ ਰਾਹਤ ਦੇਣ ਲਈ ਬਿਹਾਰ ਰਾਜ ਸਹਿਕਾਰੀ ਮਾਰਕੀਟਿੰਗ ਐਸੋਸੀਏਸ਼ਨ ਲਿਮਟਿਡ (ਬਿਸਕੋਮਾਨ) ਪਿਛਲੇ ਕੁਝ ਦਿਨਾਂ ਤੋਂ ਲੋਕਾਂ ਨੂੰ ਸਸਤੇ ਭਾਅ ‘ਤੇ ਪਿਆਜ਼ ਮੁਹੱਈਆ ਕਰਵਾ ਰਹੀ ਹੈ।

ਰਾਜਧਾਨੀ ਪਟਨਾ ਸਮੇਤ ਬਿਹਾਰ ਦੇ ਕਈ ਜ਼ਿਲ੍ਹਿਆਂ ਵਿੱਚ, ਬਿਸਕੋਮਾਨ ਆਮ ਲੋਕਾਂ ਨੂੰ 35 ਰੁਪਏ ਪ੍ਰਤੀ ਕਿਲੋ ਪਿਆਜ਼ ਮੁਹੱਈਆ ਕਰਵਾ ਰਿਹਾ ਹੈ। ਲੋਕ ਬਿਸਕੋਮਾਨ ਵੱਲੋਂ ਘੱਟ ਰੇਟਾਂ ‘ਤੇ ਪਿਆਜ਼ ਖਰੀਦਣ ਲਈ ਵਰਤੀਆਂ ਜਾ ਰਹੀਆਂ ਗੱਡੀਆਂ ਦੇ ਸਾਹਮਣੇ ਕਤਾਰ ਵਿੱਚ ਖੜ੍ਹੇ ਦਿਖਾਈ ਦਿੰਦੇ ਹਨ।

ਇਸ ਕੜੀ ਵਿਚ ਸ਼ੁੱਕਰਵਾਰ ਨੂੰ ਭੋਜਪੁਰ ਜ਼ਿਲ੍ਹੇ ਵਿੱਚ ਬਿਸਕੋਮਾਨ ਦੀ ਗੱਡੀ ਦੇ ਸਾਹਮਣੇ ਸੈਂਕੜੇ ਲੋਕ ਸਸਤੇ ਭਾਅ ‘ਤੇ ਪਿਆਜ਼ ਖਰੀਦਣ ਲਈ ਖੜ੍ਹੇ ਸਨ ਕਿ ਉਥੇ ਹੱਥੋ-ਪਾਈ ਦੀ ਨੌਬਤ ਆ ਗਈ। ਇਸ ਤੋਂ ਬਾਅਦ ਬਿਸਕੋਮਾਨ ਦੇ ਕਰਮਚਾਰੀਆਂ ਨੂੰ ਹੈਲਮੇਟ ਪਾ ਕੇ ਪਿਆਜ਼ ਵੇਚਣਾ ਪਿਆ।